Hanuman Bahuk

छ्प्पय सिंधु तरन, सिय-सोच हरन, रबि बाल बरन तनु। भुज बिसाल, मूरति कराल कालहु को काल जनु॥ गहन-दहन-निरदहन लंक निःसंक, बंक-भुव। जातुधान-बलवान मान-मद-दवन पवनसुव

chppaya simdhu tarana, siya-socha harana, rabi bala barana tanu| bhuja bisala, murati karala kalahu ko kala janu|| gahana-dahana-niradahana lamka nihsamka, bamka-bhuva| jatudhana-balavana mana-mada-da

स्वर्न-सैल-संकास कोटि-रवि तरुन तेज घन । उर विसाल भुज दण्ड चण्ड नख-वज्रतन॥ पिंग नयन, भूकुटी कराल रसना दसनानन । कपिस केस करकस लंगूर, खल-दल-बल-भानन॥ कह तुलसिदास बस जासु उर मारुतसुत मूरति विकट। संताप पाप तेहि पुरुष पहि सपनेहूँ नहिं आवत निकट

svarna-saila-samkasa koti-ravi taruna teja ghana | ura visala bhuja danda chanda nakha-vajratana|| pimga nayana, bhukuti karala rasana dasananana | kapisa kesa karakasa lamgura, khala-dala-bala-bhanan

झूलना पंचमुख-छःमुख भगु मुख्य भट असुर सुर, सर्व सरि समर समरत्य सूरो। बाँकुरो बीर बिरुदैत बिरुदावली, बेद बंदी बदत पैजपूरो॥ जासु गुनगाथ रघुनाथ कह जासुबल, बिपुल जल भरित जग जलधि झूरो। दुवन दल दमन को कौन तुलसीस है, पवन को पूत रजपूत रुरो

jhulana pamchamukha-chahmukha bhagu mukhya bhata asura sura, sarva sari samara samaratya suro| ba.nkuro bira birudaita birudavali, beda bamdi badata paijapuro|| jasu gunagatha raghunatha kaha jasubala

घनाक्षरी भानुसों पढ़न हनुमान गए भानु मन- अनुमानि सिसु केलि कियो फेर फारसो। पाछिले पगनि गम गगन मगन मन, क्रम को न भ्रम कपि बालक बिहार सो॥ कौतुक बिलोकि लोकपाल हरिहर विधि, लोचननि चकाचौंधी चित्तनि खभार सो। बल कैंधो बीर रस, धीरज कै, साहस कै, तुलसी सरीर धरे सबनिको सार सो

ghanakshari bhanusom pa.dhana hanumana gae bhanu mana- anumani sisu keli kiyo phera pharaso| pachile pagani gama gagana magana mana, krama ko na bhrama kapi balaka bihara so|| kautuka biloki lokapala

भारत में पारथ के रथ केथू कपिराज, गाज्यो सुनि कुरुराज दल हल बल भो। कह्यो द्रोन भीषम समीर सुत महाबीर, बीर-रस-बारि-निधि जाको बल जल भो॥ बानर सुभाय बाल केलि भूमि भानु लागि, फलँग फलँगहूँतें घाटि नभ तल भो। नाई-नाई-माथ जोरि-जोरि हाथ जोधा जो हैं, हनुमान देखे जगजीवन को फल भो

bharata mem paratha ke ratha kethu kapiraja, gajyo suni kururaja dala hala bala bho| kahyo drona bhishama samira suta mahabira, bira-rasa-bari-nidhi jako bala jala bho|| banara subhaya bala keli bhumi

गो-पद पयोधि करि, होलिका ज्यों लाई लंक, निपट निःसंक पर पुर गल बल भो। द्रोन सो पहार लियो ख्याल ही उखारि कर, कंदुक ज्यों कपि खेल बेल कैसो फल भो॥ संकट समाज असमंजस भो राम राज, काज जुग पूगनि को करतल पल भो। साहसी समत्थ तुलसी को नाह जाकी बाँह, लोकपाल पालन को फिर थिर थल भो

go-pada payodhi kari, holika jyom lai lamka, nipata nihsamka para pura gala bala bho| drona so pahara liyo khyala hi ukhari kara, kamduka jyom kapi khela bela kaiso phala bho|| samkata samaja asamamja

कमठ की पीठि जाके गोड़नि की गाड़ैं मानो, नाप के भाजन भरि जल निधि जल भो। जातुधान दावन परावन को दुर्ग भयो, महा मीन बास तिमि तोमनि को थल भो॥ कुम्भकरन रावन पयोद नाद ईंधन को, तुलसी प्रताप जाको प्रबल अनल भो। भीषम कहत मेरे अनुमान हनुमान, सारिखो त्रिकाल न त्रिलोक महाबल भो

kamatha ki pithi jake go.dani ki ga.daim mano, napa ke bhajana bhari jala nidhi jala bho| jatudhana davana paravana ko durga bhayo, maha mina basa timi tomani ko thala bho|| kumbhakarana ravana payoda

दूत राम राय को, सपूत पूत पौनको तू, अंजनी को नन्दन प्रताप भूरि भानु सो। सीय-सोच-समन, दुरित दोष दमन, सरन आये अवन लखन प्रिय प्राण सो॥ दसमुख दुसह दरिद्र दरिबे को भयो, प्रकट तिलोक ओक तुलसी निधान सो। ज्ञान गुनवान बलवान सेवा सावधान, साहेब सुजान उर आनु हनुमान सो

duta rama raya ko, saputa puta paunako tu, amjani ko nandana pratapa bhuri bhanu so| siya-socha-samana, durita dosha damana, sarana aye avana lakhana priya prana so|| dasamukha dusaha daridra daribe k

दवन दुवन दल भुवन बिदित बल, बेद जस गावत बिबुध बंदी छोर को। पाप ताप तिमिर तुहिन निघटन पटु, सेवक सरोरुह सुखद भानु भोर को॥ लोक परलोक तें बिसोक सपने न सोक, तुलसी के हिये है भरोसो एक ओर को। राम को दुलारो दास बामदेव को निवास, नाम कलि कामतरु केसरी किसोर को

davana duvana dala bhuvana bidita bala, beda jasa gavata bibudha bamdi chora ko| papa tapa timira tuhina nighatana patu, sevaka saroruha sukhada bhanu bhora ko|| loka paraloka tem bisoka sapane na sok

महाबल सीम महा भीम महाबान इत, महाबीर बिदित बरायो रघुबीर को। कुलिस कठोर तनु जोर परै रोर रन, करुना कलित मन धारमिक धीर को॥ दुर्जज को कालसो कराल पाल सज्जन को, सुमिरे हरन हार तुलसी की पीर को। सीय-सुख-दायक दुलारो रघुनायक को, सेवक सहायक है साहसी समीर को

mahabala sima maha bhima mahabana ita, mahabira bidita barayo raghubira ko| kulisa kathora tanu jora parai rora rana, karuna kalita mana dharamika dhira ko|| durjaja ko kalaso karala pala sajjana ko,

रचिबे को बिधि जैसे, पालिबे को हरि हर, मीच मारिबे को, ज्याईबे को सुधापान भो। धरिबे को धरनि, तरनि तम दलिबे को, सोखिबे कृसानु पोषिबे को हिम भानु भो॥ खल दु:ख दोषिबे को, जन परितोषिबे को, माँगिबो मलीनता को मोदक दुदान भो। आरत की आरति निवारिबे को तिहूँ पुर, तुलसी को साहेब हठीलो हनुमान भो

rachibe ko bidhi jaise, palibe ko hari hara, micha maribe ko, jyaibe ko sudhapana bho| dharibe ko dharani, tarani tama dalibe ko, sokhibe krrisanu poshibe ko hima bhanu bho|| khala du:kha doshibe ko,

सेवक स्योकाई जानि जानकीस मानै कानि, सानुकूल सूलपानि नवै नाथ नाँक को। देवी देव दानव दयावने ह्वै जोरैं हाथ, बापुरे बराक कहा और राजा राँक को॥ जागत सोवत बैठे बागत बिनोद मोद, ताके जो अनर्थ सो समर्थ एक आँक को। सब दिन रुरो परै पूरो जहाँ तहाँ ताहि, जाके है भरोसो हिये हनुमान हाँक को

sevaka syokai jani janakisa manai kani, sanukula sulapani navai natha na.nka ko| devi deva danava dayavane hvai joraim hatha, bapure baraka kaha aura raja ra.nka ko|| jagata sovata baithe bagata binod

सानुग सगौरि सानुकूल सूलपानि ताहि, लोकपाल सकल लखन राम जानकी। लोक परलोक को बिसोक सो तिलोक ताहि, तुलसी तमाइ कहा काहू बीर आनकी॥ केसरी किसोर बन्दीछोर के नेवाजे सब, कीरति बिमल कपि करुनानिधान की। बालक ज्यों पालि हैं कृपालु मुनि सिद्धता को, जाके हिये हुलसति हाँक हनुमान की

sanuga sagauri sanukula sulapani tahi, lokapala sakala lakhana rama janaki| loka paraloka ko bisoka so tiloka tahi, tulasi tamai kaha kahu bira anaki|| kesari kisora bandichora ke nevaje saba, kirati

करुनानिधान बलबुद्धि के निधान हौ, महिमा निधान गुनज्ञान के निधान हौ। बाम देव रुप भूप राम के सनेही, नाम, लेत देत अर्थ धर्म काम निरबान हौ॥ आपने प्रभाव सीताराम के सुभाव सील, लोक बेद बिधि के बिदूष हनुमान हौ। मन की बचन की करम की तिहूँ प्रकार, तुलसी तिहारो तुम साहेब सुजान हौ

karunanidhana balabuddhi ke nidhana hau, mahima nidhana gunaj~nana ke nidhana hau| bama deva rupa bhupa rama ke sanehi, nama, leta deta artha dharma kama nirabana hau|| apane prabhava sitarama ke subh

मन को अगम तन सुगम किये कपीस, काज महाराज के समाज साज साजे हैं। देवबंदी छोर रनरोर केसरी किसोर, जुग जुग जग तेरे बिरद बिराजे हैं॥ बीर बरजोर घटि जोर तुलसी की ओर, सुनि सकुचाने साधु, खलगन गाजे हैं। बिगरी सँवार अंजनी कुमार कीजे मोहिं, जैसे होत आये हनुमान के निवाजे हैं

mana ko agama tana sugama kiye kapisa, kaja maharaja ke samaja saja saje haim| devabamdi chora ranarora kesari kisora, juga juga jaga tere birada biraje haim|| bira barajora ghati jora tulasi ki ora,

सवैया जान सिरोमनि हो हनुमान सदा जन के मन बास तिहारो। ढ़ारो बिगारो मैं काको कहा केहि कारन खीझत हीं तो तिहारो॥ साहेब सेवक नाते तो हातो कियो सो तहां तुलसी को न चारो। दोष सुनाये तें आगेहूँ को होशियार ह्वै हों मन तो हिय हारो

savaiya jana siromani ho hanumana sada jana ke mana basa tiharo| .dharo bigaro maim kako kaha kehi karana khijhata him to tiharo|| saheba sevaka nate to hato kiyo so taham tulasi ko na charo| dosha su

तेरे थपै उथपै न महेस, थपै थिर को कपि जे उर घाले। तेरे निबाजे गरीब निबाज बिराजत बैरिन के उर साले॥ संकट सोच सबे तुलसी लिये नाम फटै मकरी के से जाले। बूढ भये बलि मेरिहिं बार, कि हारि परे बहुतै नत पाले

tere thapai uthapai na mahesa, thapai thira ko kapi je ura ghale| tere nibaje gariba nibaja birajata bairina ke ura sale|| samkata socha sabe tulasi liye nama phatai makari ke se jale| budha bhaye bal

सिंधु तरे बड़े बीर दले खल, जारे हैं लंक से बंक मवा से। तैं रनि केहरि केहरि के बिदले अरि कुंजर छैल छवासे॥ तोसों समत्थ सुसाहेब सेई सहै तुलसी दुख दोष दवा से। बानर बाज बढ़े खल खेचर, लीजत क्‍यों न लपेटि लवासे

simdhu tare ba.de bira dale khala, jare haim lamka se bamka mava se| taim rani kehari kehari ke bidale ari kumjara chaila chavase|| tosom samattha susaheba sei sahai tulasi dukha dosha dava se| banara

अच्छ विमर्दन कानन भानि दसानन आनन भा न निहारो। बारिदनाद अकंपन कुंभकरन से कुंजर केहरि बारो॥ राम प्रताप हुतासन, कच्छ, विपच्छ, समीर समीर दुलारो। पाप तें साप तें ताप तिहूँ तें सदा तुलसी कह सो रखवारो

achcha vimardana kanana bhani dasanana anana bha na niharo| baridanada akampana kumbhakarana se kumjara kehari baro|| rama pratapa hutasana, kachcha, vipachcha, samira samira dularo| papa tem sapa tem

घनाक्षरी जानत जहान हनुमान को निवाज्यो जन, मन अनुमानि बलि बोल न बिसारिये। सेवा जोग तुलसी कबहूँ कहा चूक परी, साहेब सुभाव कपि साहिबी सँभारिये॥ अपराधी जानि कीजै सासति सहस भाँति, मोदक मरै जो ताहि माहुर न मारिये। साहसी समीर के दुलारे रघुबीर जू के, बाँह पीर महाबीर बेगि ही निवारिये

ghanakshari janata jahana hanumana ko nivajyo jana, mana anumani bali bola na bisariye| seva joga tulasi kabahu.n kaha chuka pari, saheba subhava kapi sahibi sa.nbhariye|| aparadhi jani kijai sasati s

बालक बिलोकि, बलि बारें तें आपनो कियो, दीनबन्धु दया कीन्हीं निरुपाधि न्यारिये। रावरो भरोसो तुलसी के, रावरोई बल, आस रावरीयै दास रावरो बिचारिये॥ बड़ो बिकराल कलि काको न बिहाल कियो, माथे पगु बलि को निहारि सो निबारिये। केसरी किसोर रनरोर बरजोर बीर, बाँह पीर राहु मातु ज्यौं पछारि मारिये

balaka biloki, bali barem tem apano kiyo, dinabandhu daya kinhim nirupadhi nyariye| ravaro bharoso tulasi ke, ravaroi bala, asa ravariyai dasa ravaro bichariye|| ba.do bikarala kali kako na bihala kiy

उथपे थपनथिर थपे उथपनहार, केसरी कुमार बल आपनो संबारिये। राम के गुलामनि को कामतरु रामदूत, मोसे दीन दूबरे को तकिया तिहारिये॥ साहेब समर्थ तोसों तुलसी के माथे पर, सोऊ अपराध बिनु बीर, बाँधि मारिये। पोखरी बिसाल बाँहु, बलि, बारिचर पीर, मकरी ज्यों पकरि के बदन बिदारिये

uthape thapanathira thape uthapanahara, kesari kumara bala apano sambariye| rama ke gulamani ko kamataru ramaduta, mose dina dubare ko takiya tihariye|| saheba samartha tosom tulasi ke mathe para, sou

राम को सनेह, राम साहस लखन सिय, राम की भगति, सोच संकट निवारिये। मुद मरकट रोग बारिनिधि हेरि हारे, जीव जामवंत को भरोसो तेरो भारिये॥ कृदिये कृपाल तुलसी सुप्रेम पब्बयतें, सुधल सुबेल भालू बैठि कै विचारिये। महाबीर बाँकुरे बराकी बाँह पीर क्‍यों न, लंकिनी ज्यों लात घात ही मरोरि मारिये

rama ko saneha, rama sahasa lakhana siya, rama ki bhagati, socha samkata nivariye| muda marakata roga barinidhi heri hare, jiva jamavamta ko bharoso tero bhariye|| krridiye krripala tulasi suprema pab

लोक परलोकहूँ तिलोक न विलोकियत, तोसे समरथ चष चारिहूँ निहारिये। कर्म, काल, लोकपाल, अग जग जीवजाल, नाथ हाथ सब निज महिमा बिचारिये॥ खास दास रावरो, निवास तेरो तासु उर, तुलसी सो, देव दुखी देखिअत भारिये। बात तरुमूल बाँहसूल कपिकच्छू बेलि, उपजी सकेलि कपि केलि ही उखारिये

loka paralokahu.n tiloka na vilokiyata, tose samaratha chasha charihu.n nihariye| karma, kala, lokapala, aga jaga jivajala, natha hatha saba nija mahima bichariye|| khasa dasa ravaro, nivasa tero tasu

करम कराल कंस भूमिपाल के भरोसे, बकी बक भगिनी काहू तें कहा डरैगी। बड़ी बिकराल बाल घातिनी न जात कहि, बाँह बल बालक छबीले छोटे छरैगी॥ आई है बनाई बेष आप ही बिचारि देख, पाप जाय सब को गुनी के पाले परैगी। पूतना पिसाचिनी ज्यौं कपि कान्ह तुलसीकी, बाँहपीर महाबीर तेरे मारे मरैगी

karama karala kamsa bhumipala ke bharose, baki baka bhagini kahu tem kaha daraigi| ba.di bikarala bala ghatini na jata kahi, ba.nha bala balaka chabile chote charaigi|| ai hai banai besha apa hi bicha

भाल की कि काल की कि रोष की त्रिदोष की है, बेदन बिषम पाप ताप छल छाँह की। करमन कूट की कि जन्त्र मन्त्र बूट की, पराहि जाहि पापिनी मलीन मन माँह की॥ पैहहि सजाय, नत कहत बजाय तोहि, बाबरी न होहि बानि जानि कपि नाँह की। आन हनुमान की दुहाई बलवान की, सपथ महाबीर की जो रहै पीर बाँह की

bhala ki ki kala ki ki rosha ki tridosha ki hai, bedana bishama papa tapa chala cha.nha ki| karamana kuta ki ki jantra mantra buta ki, parahi jahi papini malina mana ma.nha ki|| paihahi sajaya, nata k

सिंहिका सँहारि बल सुरसा सुधारि छल, लंकिनी पछारि मारि बाटिका उजारी है। लंक परजारि मकरी बिदारि बार बार, जातुधान धारि धूरि धानी करि डारी है॥ तोरि जमकातरि मंदोदरी कठोरि आनी, रावन की रानी मेघनाद महतारी है। भीर बाँह पीर की निपट राखी महाबीर, कौन के सकोच तुलसी के सोच भारी है

simhika sa.nhari bala surasa sudhari chala, lamkini pachari mari batika ujari hai| lamka parajari makari bidari bara bara, jatudhana dhari dhuri dhani kari dari hai|| tori jamakatari mamdodari kathori

तेरो बालि केलि बीर सुनि सहमत धीर, भूलत सरीर सुधि सक्र रवि राहु की। तेरी बाँह बसत बिसोक लोक पाल सब, तेरो नाम लेत रहैं आरति न काहु की॥ साम दाम भेद विधि बेदहू लबेद सिधि, हाथ कपिनाथ ही के चोटी चोर साहु की। आलस अनख परिहास कै सिखावन है, एते दिन रही पीर तुलसी के बाहु की

tero bali keli bira suni sahamata dhira, bhulata sarira sudhi sakra ravi rahu ki| teri ba.nha basata bisoka loka pala saba, tero nama leta rahaim arati na kahu ki|| sama dama bheda vidhi bedahu labeda

टूकनि को घर घर डोलत कँगाल बोलि, बाल ज्यों कृपाल नत पाल पालि पोसो है। कीन्ही है सँभार सार अँजनी कुमार बीर, आपनो बिसारि हैं न मेरेह्न भरोसो है॥ इतनो परेखो सब भान्ति समरथ आजु, कपिराज सांची कहां को तिलोक तोसो है। सासति सहत दास कीजे पेखि परिहास, चीरी को मरन खेल बालकनिको सो है

tukani ko ghara ghara dolata ka.ngala boli, bala jyom krripala nata pala pali poso hai| kinhi hai sa.nbhara sara a.njani kumara bira, apano bisari haim na merehna bharoso hai|| itano parekho saba bhan

आपने ही पाप तें त्रिपात तें कि साप तें, बढ़ी है बाँह बेदन कही न स॒हि जाति है। औषध अनेक जन्त्र मन्त्र टोटकादि किये, बादि भये देवता मनाये अथीकाति है॥ करतार, भरतार, हरतार, कर्म काल, को है जगजाल जो न मानत इताति है। चेरो तेरो तुलसी तू मेरो कह्यो राम दूत, ढील तेरी बीर मोहि पीर तें पिराति है

apane hi papa tem tripata tem ki sapa tem, ba.dhi hai ba.nha bedana kahi na sa\_hi jati hai| aushadha aneka jantra mantra totakadi kiye, badi bhaye devata manaye athikati hai|| karatara, bharatara, ha

दूत राम राय को, सपूत पूत वाय को, समत्व हाथ पाय को सहाय असहाय को। बाँकी बिरदावली बिदित बेद गाइयत, रावन सो भट भयो मुठिका के धाय को॥ एते बडे साहेब समर्थ को निवाजो आज, सीदत सुसेवक बचन मन काय को । थोरी बाँह पीर की बड़ी गलानि तुलसी को, कौन पाप कोप, लोप प्रकट प्रभाय को

duta rama raya ko, saputa puta vaya ko, samatva hatha paya ko sahaya asahaya ko| ba.nki biradavali bidita beda gaiyata, ravana so bhata bhayo muthika ke dhaya ko|| ete bade saheba samartha ko nivajo a

देवी देव दनुज मनुज मुनि सिद्ध नाग, छोटे बड़े जीव जेते चेतन अचेत हैं। पूतना पिसाची जातुधानी जातुधान बाग, राम दूत की रजाई माथे मानि लेत हैं॥ घोर जन्त्र मन्त्र कूट कपट कुरोग जोग, हनुमान आन सुनि छाड़त निकेत हैं। क्रोध कीजे कर्म को प्रबोध कीजे तुलसी को, सोध कीजे तिनको जो दोष दुख देत हैं

devi deva danuja manuja muni siddha naga, chote ba.de jiva jete chetana acheta haim| putana pisachi jatudhani jatudhana baga, rama duta ki rajai mathe mani leta haim|| ghora jantra mantra kuta kapata

तेरे बल बानर जिताये रन रावन सों, तेरे घाले जातुधान भये घर घर के। तेरे बल राम राज किये सब सुर काज, सकल समाज साज साजे रघुबर के॥ तेरो गुनगान सुनि गीरबान पुलकत, सजल बिलोचन बिरंचि हरिहर के। तुलसी के माथे पर हाथ फेरो कीस नाथ, देखिये न दास दुखी तोसो कनिगर के

tere bala banara jitaye rana ravana som, tere ghale jatudhana bhaye ghara ghara ke| tere bala rama raja kiye saba sura kaja, sakala samaja saja saje raghubara ke|| tero gunagana suni girabana pulakata

पालो तेरे ट्रक को परेहू चूक मूकिये न, कूर कौड़ी दूको हों आपनी ओर हेरिये। भोरानाथ भोरे ही सरोष होत थीरे दोष, पोषि तोषि थापि आपनो न अव डेरिये॥ अँबुतू हों अँबु चूर, अँबु तू हों डिंभ सो न, बूझिये बिलंब अवलंब मेरे तेरिये । बालक बिकल जानि पाहि प्रेम पहिचानि, तुलसी की बाँह पर लामी लूम फेरिये

palo tere traka ko parehu chuka mukiye na, kura kau.di duko hom apani ora heriye| bhoranatha bhore hi sarosha hota thire dosha, poshi toshi thapi apano na ava deriye|| a.nbutu hom a.nbu chura, a.nbu t

घेरि लियो रोगनि, कुजोगनि, कुलोगनि ज्यौं, बासर जलद घन घटा धुकि धाई है। बरसत बारि पीर जारिये जवासे जस, रोष बिनु दोष धूम मूल मलिनाई है ॥ करुनानिधान हनुमान महा बलवान, हेरि हँसि हाँकि फूंकि फौंजै ते उड़ाई है। खाये हुतो तुलसी कुरोग राढ़ राकसनि, केसरी किसोर राखे बीर बरिआई है

gheri liyo rogani, kujogani, kulogani jyaum, basara jalada ghana ghata dhuki dhai hai| barasata bari pira jariye javase jasa, rosha binu dosha dhuma mula malinai hai || karunanidhana hanumana maha bal

सवैया राम गुलाम तु ही हनुमान, गोसाँई सुसाँई सदा अनुकूलो। पाल्यो हों बाल ज्यों आखर दू, पितु मातु सों मंगल मोद समूलो॥ बाँह की बेदन बाँह पगार, पुकारत आरत आनॉँद भूलो। श्री रघुबीर निवारिये पीर, रहौं दरबार परो लटि लूलो

savaiya rama gulama tu hi hanumana, gosa.ni susa.ni sada anukulo| palyo hom bala jyom akhara du, pitu matu som mamgala moda samulo|| ba.nha ki bedana ba.nha pagara, pukarata arata anaॉ.nda bhulo| shri

घनाक्षरी काल की करालता करम कठिनाई कीधी, पाप के प्रभाव की सुभाय बाय बावरे। बेदन कुरभाँति सो सही न जाति राति दिन, सोई बाँह गही जो गही समीर डाबरे ॥ लायो तरु तुलसी तिहारो सो निहारि बारि, सींचिये मलीन भो तयो है तिहँ तावरे। भूतनि की आपनी पराये की कृपा निधान, जानियत सबही की रीति राम रावरे

ghanakshari kala ki karalata karama kathinai kidhi, papa ke prabhava ki subhaya baya bavare| bedana kurabha.nti so sahi na jati rati dina, soi ba.nha gahi jo gahi samira dabare || layo taru tulasi tih

पाँय पीर पेट पीर बाँह पीर मुंह पीर, जर जर सकल पीर मई है। देव भूत पितर करम खल काल ग्रह, मोहि पर दवरि दमानक सी दई है॥ हौं तो बिनु मोल के बिकानो बलि बारे हीतें, ओट राम नाम की ललाट लिखि लई है। कुँभज के किंकर बिकल बूढ़े गोखुरनि, हाय राम राय ऐसी हाल कहूँ भई है

pa.nya pira peta pira ba.nha pira mumha pira, jara jara sakala pira mai hai| deva bhuta pitara karama khala kala graha, mohi para davari damanaka si dai hai|| haum to binu mola ke bikano bali bare hit

बाहुक सुबाहु नीच लीचर मरीच मिलि, मुँह पीर केतुजा कुरोग जातुधान है। राम नाम जप जाग कियो चहों सानुराग, काल कैसे दूत भूत कहा मेरे मान है॥ सुमिरे सहाय राम लखन आखर दौऊ, जिनके समूह साके जागत जहान है। तुलसी सँभारि ताडका सँहारि भारि भट, बेधे बरगद से बनाई बानवान है

bahuka subahu nicha lichara maricha mili, mu.nha pira ketuja kuroga jatudhana hai| rama nama japa jaga kiyo chahom sanuraga, kala kaise duta bhuta kaha mere mana hai|| sumire sahaya rama lakhana akhar

बालपने सूधे मन राम सनमुख भयो, राम नाम लेत माँगि खात टूक टाक हीं। परयो लोक रीति में पुनीत प्रीति राम राय, मोह बस बैठो तोरि तरकि तराक हाँ॥ खोटे खोटे आचरन आचरत अपनायो, अंजनी कुमार सोध्यो रामपानि पाक हाँ । तुलसी गुर्साँई भयो भोंडे दिन भूल गयो, ताको फल पावत निदान परिपाक हीं

balapane sudhe mana rama sanamukha bhayo, rama nama leta ma.ngi khata tuka taka him| parayo loka riti mem punita priti rama raya, moha basa baitho tori taraki taraka ha.n|| khote khote acharana achara

असन बसन हीन बिषम बिषाद लीन, देखि दीन टूबरो करे न हाय हाय को। तुलसी अनाथ सो सनाथ रघुनाथ कियो, दियो फल सील सिंधु आपने सुभाय को॥ नीच यहि बीच पति पाइ भरु हाईगो, बिहाइ प्रभु भजन बचन मन काय को। ता तें तनु पेषियत घोर बरतोर मिस, फूटि फूटि निकसत लोन राम राय को

asana basana hina bishama bishada lina, dekhi dina tubaro kare na haya haya ko| tulasi anatha so sanatha raghunatha kiyo, diyo phala sila simdhu apane subhaya ko|| nicha yahi bicha pati pai bharu haig

जीओ जग जानकी जीवन को कहाइ जन, मरिबे को बारानसी बारि सुर सरि को| तुलसी के नल मोदक हैं ऐसे ठाँऊ, जाके जिये मुये सोच करिहैं न लरि को॥ मो को झूँटो साँचो लोग राम कौ कहत सब, मेरे मन मान है न हर को न हरि को। भारी पीर दुसह सरीर तें बिहाल होत, सोऊ रघुबीर बिनु सके टूर करि को

jio jaga janaki jivana ko kahai jana, maribe ko baranasi bari sura sari ko| tulasi ke nala modaka haim aise tha.nu, jake jiye muye socha karihaim na lari ko|| mo ko jhu.nto sa.ncho loga rama kau kahat

सीतापति साहेब सहाय हनुमान नित, हित उपदेश को महेस मानो गुरु कै। मानस बचन काय सरन तिहारे पाँय, तुम्हरे भरोसे सुर मैं न जाने सुर कै॥ ब्याधि भूत जनित उपाधि काहु खल की, समाधि की जै तुलसी को जानि जन फुर कै। कपिनाथ रघुनाथ भोलानाथ भूतनाथ, रोग सिंधु क्यों न डारियत गाय खुर कै

sitapati saheba sahaya hanumana nita, hita upadesha ko mahesa mano guru kai| manasa bachana kaya sarana tihare pa.nya, tumhare bharose sura maim na jane sura kai|| byadhi bhuta janita upadhi kahu khal

कहों हनुमान सों सुजान राम राय सों, कृपानिधान संकर सों सावधान सुनिये। हरष विषाद राग रोष गुन दोष मई, बिरची बिरज्जी सब देखियत दुनिये ॥ माया जीव काल के करम के सुभाय के, करैया राम बेद कहें साँची मन गुनिये। तुम्ह तें कहा न होय हा हा सो बुझैये मोहिं, हों हूँ रहों मौनही वयो सो जानि लुनिये

kahom hanumana som sujana rama raya som, krripanidhana samkara som savadhana suniye| harasha vishada raga rosha guna dosha mai, birachi birajji saba dekhiyata duniye || maya jiva kala ke karama ke sub