Varaha Chalisa

तोताद्रिं पुष्करं चैव नरनारायणाश्रमम् । अष्टौ मे मूर्तयः सन्ति स्वयं व्यक्ता महीतले ॥ श्रीरुद्रमुख निर्णीत मुरारि गुणसत्कथा । सन्तुष्टा पार्वती प्राह शङ्करं लोकशङ्करम् ॥ १ ॥

totadrim pushkaram chaiva naranarayanashramam | ashtau me murtayah santi svayam vyakta mahitale || shrirudramukha nirnita murari gunasatkatha | santushta parvati praha sha~nkaram lokasha~nkaram || 1 |

तोताद्रिं पुष्करं चैव नरनारायणाश्रमम् । अष्टौ मे मूर्तयः सन्ति स्वयं व्यक्ता महीतले ॥

totadrim pushkaram chaiva naranarayanashramam | ashtau me murtayah santi svayam vyakta mahitale ||

श्रीरुद्रमुख निर्णीत मुरारि गुणसत्कथा । सन्तुष्टा पार्वती प्राह शङ्करं लोकशङ्करम् ॥ १ ॥

shrirudramukha nirnita murari gunasatkatha | santushta parvati praha sha~nkaram lokasha~nkaram || 1 ||

श्रीमुष्णेशस्य माहात्म्यं वराहस्य महात्मनः । श्रुत्वा तृप्तिर्न मे जाता मनः कौतूहलायते । श्रोतुं तद्देव माहात्म्यं तस्माद्वर्णय मे पुनः ॥ २ ॥

shrimushneshasya mahatmyam varahasya mahatmanah | shrutva trriptirna me jata manah kautuhalayate | shrotum taddeva mahatmyam tasmadvarnaya me punah || 2 ||

शृणु देवि प्रवक्ष्यामि श्रीमुष्णेशस्य वैभवम् । यस्य श्रवणमात्रेण महापापैः प्रमुच्यते । सर्वेषामेव तीर्थानां तीर्थ राजोऽभिधीयते ॥ ३ ॥

shrrinu devi pravakshyami shrimushneshasya vaibhavam | yasya shravanamatrena mahapapaih pramuchyate | sarveshameva tirthanam tirtha rajo.abhidhiyate || 3 ||

नित्य पुष्करिणी नाम्नी श्रीमुष्णे या च वर्तते । जाता श्रमापहा पुण्या वराह श्रमवारिणा ॥ ४ ॥

nitya pushkarini namni shrimushne ya cha vartate | jata shramapaha punya varaha shramavarina || 4 ||

विष्णोरङ्गुष्ठ संस्पर्शात्पुण्यदा खलु जाह्नवी । विष्णोः सर्वाङ्गसम्भूता नित्यपुष्करिणी शुभा ॥ ५ ॥

vishnora~ngushtha samsparshatpunyada khalu jahnavi | vishnoh sarva~ngasambhuta nityapushkarini shubha || 5 ||

महानदी सहस्त्रेण नित्यदा सङ्गता शुभा । सकृत्स्नात्वा विमुक्ताघः सद्यो याति हरेः पदम् ॥ ६ ॥

mahanadi sahastrena nityada sa~ngata shubha | sakrritsnatva vimuktaghah sadyo yati hareh padam || 6 ||

तस्या आग्नेय भागे तु अश्वत्थच्छाययोदके । स्नानं कृत्वा पिप्पलस्य कृत्वा चापि प्रदक्षिणम् ॥ ७ ॥

tasya agneya bhage tu ashvatthachchayayodake | snanam krritva pippalasya krritva chapi pradakshinam || 7 ||

दृष्ट्वा श्वेतवराहं च मासमेकं नयेद्यदि । कालमृत्युं विनिर्जित्य श्रिया परमया युतः ॥ ८ ॥

drrishtva shvetavaraham cha masamekam nayedyadi | kalamrrityum vinirjitya shriya paramaya yutah || 8 ||

आधिव्याधि विनिर्मुक्तो ग्रहपीडाविवर्जितः । भुक्त्वा भोगाननेकांश्च मोक्षमन्ते व्रजेत् ध्रुवम् ॥ ९ ॥

adhivyadhi vinirmukto grahapidavivarjitah | bhuktva bhogananekamshcha mokshamante vrajet dhruvam || 9 ||

अश्वत्थमूलेऽर्कवारे नित्य पुष्करिणी तटे । वराहकवचं जप्त्वा शतवारं जितेन्द्रियः ॥ १० ॥

ashvatthamule.arkavare nitya pushkarini tate | varahakavacham japtva shatavaram jitendriyah || 10 ||

क्षयापस्मारकुष्ठाद्यैः महारोगैः प्रमुच्यते । वराहकवचं यस्तु प्रत्यहं पठते यदि ॥ ११ ॥

kshayapasmarakushthadyaih maharogaih pramuchyate | varahakavacham yastu pratyaham pathate yadi || 11 ||

शत्रु पीडाविनिर्मुक्तो भूपतित्वमवाप्नुयात् । लिखित्वा धारयेद्यस्तु बाहुमूले गलेऽथ वा ॥ १२ ॥

shatru pidavinirmukto bhupatitvamavapnuyat | likhitva dharayedyastu bahumule gale.atha va || 12 ||

भूतप्रेतपिशाचाद्याः यक्षगन्धर्वराक्षसाः । शत्रवो घोरकर्माणो ये चान्ये विषजन्तवः । नष्ट दर्पा विनश्यन्ति विद्रवन्ति दिशो दश ॥ १३ ॥

bhutapretapishachadyah yakshagandharvarakshasah | shatravo ghorakarmano ye chanye vishajantavah | nashta darpa vinashyanti vidravanti disho dasha || 13 ||

तद्ब्रूहि कवचं मह्यं येन गुप्तो जगत्त्रये । सञ्चरेद्देववन्मर्त्यः सर्वशत्रुविभीषणः । येनाप्नोति च साम्राज्यं तन्मे ब्रूहि सदाशिव ॥ १४ ॥

tadbruhi kavacham mahyam yena gupto jagattraye | sa~nchareddevavanmartyah sarvashatruvibhishanah | yenapnoti cha samrajyam tanme bruhi sadashiva || 14 ||

शृणु कल्याणि वक्ष्यामि वाराहकवचं शुभम् । येन गुप्तो लभेन्मर्त्यो विजयं सर्वसम्पदम् ॥ १५ ॥

shrrinu kalyani vakshyami varahakavacham shubham | yena gupto labhenmartyo vijayam sarvasampadam || 15 ||

अङ्गरक्षाकरं पुण्यं महापातकनाशनम् । सर्वरोगप्रशमनं सर्वदुर्ग्रहनाशनम् ॥ १६ ॥

a~ngarakshakaram punyam mahapatakanashanam | sarvarogaprashamanam sarvadurgrahanashanam || 16 ||

विषाभिचार कृत्यादि शत्रुपीडानिवारणम् । नोक्तं कस्यापि पूर्वं हि गोप्यात्गोप्यतरं यतः ॥ १७ ॥

vishabhichara krrityadi shatrupidanivaranam | noktam kasyapi purvam hi gopyatgopyataram yatah || 17 ||

वराहेण पुरा प्रोक्तं मह्यं च परमेष्ठिने । युद्धेषु जयदं देवि शत्रुपीडानिवारणम् ॥ १८ ॥

varahena pura proktam mahyam cha parameshthine | yuddheshu jayadam devi shatrupidanivaranam || 18 ||

वराहकवचात् गुप्तो नाशुभं लभते नरः । वराहकवचस्यास्य ऋषिर्ब्रह्मा प्रकीर्तितः ॥ १९ ॥

varahakavachat gupto nashubham labhate narah | varahakavachasyasya rrishirbrahma prakirtitah || 19 ||

छन्दोऽनुष्टुप् तथा देवो वराहो भूपरिग्रहः । प्रक्षाल्य पादौ पाणी च सम्यगाचम्य वारिणा ॥ २० ॥

chando.anushtup tatha devo varaho bhuparigrahah | prakshalya padau pani cha samyagachamya varina || 20 ||

कृत स्वाङ्ग करन्यासः सपवित्र उदंमुखः । ओं भूर्भवस्सुवरिति नमो भूपतयेऽपि च ॥ २१ ॥

krrita sva~nga karanyasah sapavitra udammukhah | om bhurbhavassuvariti namo bhupataye.api cha || 21 ||

नमो भगवते पश्चात्वराहाय नमस्तथा । एवं षडङ्गं न्यासं च न्यसेदङ्गुलिषु क्रमात् ॥ २२ ॥

namo bhagavate pashchatvarahaya namastatha | evam shada~ngam nyasam cha nyaseda~ngulishu kramat || 22 ||

नमः श्वेतवराहाय महाकोलाय भूपते । यज्ञाङ्गाय शुभाङ्गाय सर्वज्ञाय परात्मने ॥ २३ ॥

namah shvetavarahaya mahakolaya bhupate | yaj~na~ngaya shubha~ngaya sarvaj~naya paratmane || 23 ||

स्रव तुण्डाय धीराय परब्रह्मस्वरूपिणे । वक्रदंष्ट्राय नित्याय नमोऽन्तैर्नामभिः क्रमात् ॥ २४ ॥

srava tundaya dhiraya parabrahmasvarupine | vakradamshtraya nityaya namo.antairnamabhih kramat || 24 ||

अङ्गुलीषु न्यसेद्विद्वान् करपृष्ठतलेष्वपि । ध्यात्वा श्वेतवराहं च पश्चान्मन्त्रमुदीरयेत् ॥ २५ ॥

a~ngulishu nyasedvidvan karaprrishthataleshvapi | dhyatva shvetavaraham cha pashchanmantramudirayet || 25 ||

ओं श्वेतं वराहवपुषं क्षितिमुद्धरन्तं शङ्घारिसर्व वरदाभय युक्त बाहुम् । ध्यायेन्निजैश्च तनुभिः सकलैरुपेतं पूर्णं विभुं सकलवाञ्छितसिद्धयेऽजम् ॥ २६ ॥

om shvetam varahavapusham kshitimuddharantam sha~ngharisarva varadabhaya yukta bahum | dhyayennijaishcha tanubhih sakalairupetam purnam vibhum sakalava~nchitasiddhaye.ajam || 26 ||

वराहः पूर्वतः पातु दक्षिणे दण्डकान्तकः । हिरण्याक्षहरः पातु पश्चिमे गदया युतः ॥ २७ ॥

varahah purvatah patu dakshine dandakantakah | hiranyakshaharah patu pashchime gadaya yutah || 27 ||

उत्तरे भूमिहृत्पातु अधस्ताद्वायुवाहनः । ऊर्ध्वं पातु हृषीकेशो दिग्विदिक्षु गदाधरः ॥ २८ ॥

uttare bhumihrritpatu adhastadvayuvahanah | urdhvam patu hrrishikesho digvidikshu gadadharah || 28 ||

प्रातः पातु प्रजानाथः कल्पकृत्सङ्गमेऽवतु । मध्याह्ने वज्रकेशस्तु सायाह्ने सर्वपूजितः ॥ २९ ॥

pratah patu prajanathah kalpakrritsa~ngame.avatu | madhyahne vajrakeshastu sayahne sarvapujitah || 29 ||

प्रदोषे पातु पद्माक्षो रात्रौ राजीवलोचनः । निशीन्द्र गर्वहा पातु पातूषः परमेश्वरः ॥ ३० ॥

pradoshe patu padmaksho ratrau rajivalochanah | nishindra garvaha patu patushah parameshvarah || 30 ||

अटव्यामग्रजः पातु गमने गरुडासनः । स्थले पातु महातेजाः जले पात्ववनीपतिः ॥ ३१ ॥

atavyamagrajah patu gamane garudasanah | sthale patu mahatejah jale patvavanipatih || 31 ||

गृहे पातु गृहाध्यक्षः पद्मनाभः पुरोऽवतु । झिल्लिका वरदः पातु स्वग्रामे करुणाकरः ॥ ३२ ॥

grrihe patu grrihadhyakshah padmanabhah puro.avatu | jhillika varadah patu svagrame karunakarah || 32 ||

रणाग्रे दैत्यहा पातु विषमे पातु चक्रभृत् । रोगेषु वैद्यराजस्तु कोलो व्याधिषु रक्षतु ॥ ३३ ॥

ranagre daityaha patu vishame patu chakrabhrrit | rogeshu vaidyarajastu kolo vyadhishu rakshatu || 33 ||

तापत्रयात्तपोमूर्तिः कर्मपाशाच्च विश्वकृत् । क्लेशकालेषु सर्वेषु पातु पद्मापतिर्विभुः ॥ ३४ ॥

tapatrayattapomurtih karmapashachcha vishvakrrit | kleshakaleshu sarveshu patu padmapatirvibhuh || 34 ||

हिरण्यगर्भसंस्तुत्यः पादौ पातु निरन्तरम् । गुल्फौ गुणाकरः पातु जङ्घे पातु जनार्दनः ॥ ३५ ॥

hiranyagarbhasamstutyah padau patu nirantaram | gulphau gunakarah patu ja~nghe patu janardanah || 35 ||

जानू च जयकृत्पातु पातूरू पुरुषोत्तमः । रक्ताक्षो जघने पातु कटिं विश्वम्भरोऽवतु ॥ ३६ ॥

janu cha jayakrritpatu paturu purushottamah | raktaksho jaghane patu katim vishvambharo.avatu || 36 ||

पार्श्वे पातु सुराध्यक्षः पातु कुक्षिं परात्परः । नाभिं ब्रह्मपिता पातु हृदयं हृदयेश्वरः ॥ ३७ ॥

parshve patu suradhyakshah patu kukshim paratparah | nabhim brahmapita patu hrridayam hrridayeshvarah || 37 ||

महादंष्ट्रः स्तनौ पातु कण्ठं पातु विमुक्तिदः । प्रभञ्जन पतिर्बाहू करौ कामपिताऽवतु ॥ ३८ ॥

mahadamshtrah stanau patu kantham patu vimuktidah | prabha~njana patirbahu karau kamapita.avatu || 38 ||

हस्तौ हंसपतिः पातु पातु सर्वाङ्गुलीर्हरिः । सर्वाङ्गश्चिबुकं पातु पात्वोष्ठौ कालनेमिहा ॥ ३९ ॥

hastau hamsapatih patu patu sarva~ngulirharih | sarva~ngashchibukam patu patvoshthau kalanemiha || 39 ||

मुखं तु मधुहा पातु दन्तान् दामोदरोऽवतु । नासिकामव्ययः पातु नेत्रे सूर्येन्दुलोचनः ॥ ४० ॥

mukham tu madhuha patu dantan damodaro.avatu | nasikamavyayah patu netre suryendulochanah || 40 ||

फालं कर्मफलाध्यक्षः पातु कर्णौ महारथः । शेषशायी शिरः पातु केशान् पातु निरामयः ॥ ४१ ॥

phalam karmaphaladhyakshah patu karnau maharathah | sheshashayi shirah patu keshan patu niramayah || 41 ||