Navagraha Chalisa

श्री गणपति गुरुपद कमल, प्रेम सहित सिरनाय। नवग्रह चालीसा कहत, शारद होत सहाय॥

shri ganapati gurupada kamala, prema sahita siranaya| navagraha chalisa kahata, sharada hota sahaya||

जय जय रवि शशि सोम बुध, जय गुरु भृगु शनि राज। जयति राहु अरु केतु ग्रह, करहु अनुग्रह आज॥

jaya jaya ravi shashi soma budha, jaya guru bhrrigu shani raja| jayati rahu aru ketu graha, karahu anugraha aja||

प्रथमहि रवि कहँ नावौं माथा। करहुं कृपा जनि जानि अनाथा॥

prathamahi ravi kaha.n navaum matha| karahum krripa jani jani anatha||

हे आदित्य दिवाकर भानू। मैं मति मन्द महा अज्ञानू॥

he aditya divakara bhanu| maim mati manda maha aj~nanu||

अब निज जन कहँ हरहु कलेषा। दिनकर द्वादश रूप दिनेशा॥

aba nija jana kaha.n harahu kalesha| dinakara dvadasha rupa dinesha||

नमो भास्कर सूर्य प्रभाकर। अर्क मित्र अघ मोघ क्षमाकर॥

namo bhaskara surya prabhakara| arka mitra agha mogha kshamakara||

शशि मयंक रजनीपति स्वामी। चन्द्र कलानिधि नमो नमामि॥

shashi mayamka rajanipati svami| chandra kalanidhi namo namami||

राकापति हिमांशु राकेशा। प्रणवत जन तन हरहुं कलेशा॥

rakapati himamshu rakesha| pranavata jana tana harahum kalesha||

सोम इन्दु विधु शान्ति सुधाकर। शीत रश्मि औषधि निशाकर॥

soma indu vidhu shanti sudhakara| shita rashmi aushadhi nishakara||

तुम्हीं शोभित सुन्दर भाल महेशा। शरण शरण जन हरहुं कलेशा॥

tumhim shobhita sundara bhala mahesha| sharana sharana jana harahum kalesha||

जय जय जय मंगल सुखदाता। लोहित भौमादिक विख्याता॥

jaya jaya jaya mamgala sukhadata| lohita bhaumadika vikhyata||

अंगारक कुज रुज ऋणहारी। करहु दया यही विनय हमारी॥

amgaraka kuja ruja rrinahari| karahu daya yahi vinaya hamari||

हे महिसुत छितिसुत सुखराशी। लोहितांग जय जन अघनाशी॥

he mahisuta chitisuta sukharashi| lohitamga jaya jana aghanashi||

अगम अमंगल अब हर लीजै। सकल मनोरथ पूरण कीजै॥

agama amamgala aba hara lijai| sakala manoratha purana kijai||

जय शशि नन्दन बुध महाराजा। करहु सकल जन कहँ शुभ काजा॥

jaya shashi nandana budha maharaja| karahu sakala jana kaha.n shubha kaja||

दीजैबुद्धि बल सुमति सुजाना। कठिन कष्ट हरि करि कल्याणा॥

dijaibuddhi bala sumati sujana| kathina kashta hari kari kalyana||

हे तारासुत रोहिणी नन्दन। चन्द्रसुवन दुख द्वन्द्व निकन्दन॥

he tarasuta rohini nandana| chandrasuvana dukha dvandva nikandana||

पूजहु आस दास कहु स्वामी। प्रणत पाल प्रभु नमो नमामी॥

pujahu asa dasa kahu svami| pranata pala prabhu namo namami||

जयति जयति जय श्री गुरुदेवा। करों सदा तुम्हरी प्रभु सेवा॥

jayati jayati jaya shri gurudeva| karom sada tumhari prabhu seva||

देवाचार्य तुम देव गुरु ज्ञानी। इन्द्र पुरोहित विद्यादानी॥

devacharya tuma deva guru j~nani| indra purohita vidyadani||

वाचस्पति बागीश उदारा। जीव बृहस्पति नाम तुम्हारा॥

vachaspati bagisha udara| jiva brrihaspati nama tumhara||

विद्या सिन्धु अंगिरा नामा। करहु सकल विधि पूरण कामा॥

vidya sindhu amgira nama| karahu sakala vidhi purana kama||

शुक्र देव पद तल जल जाता। दास निरन्तन ध्यान लगाता॥

shukra deva pada tala jala jata| dasa nirantana dhyana lagata||

हे उशना भार्गव भृगु नन्दन। दैत्य पुरोहित दुष्ट निकन्दन॥

he ushana bhargava bhrrigu nandana| daitya purohita dushta nikandana||

भृगुकुल भूषण दूषण हारी। हरहु नेष्ट ग्रह करहु सुखारी॥

bhrrigukula bhushana dushana hari| harahu neshta graha karahu sukhari||

तुहि द्विजबर जोशी सिरताजा। नर शरीर के तुमहीं राजा॥

tuhi dvijabara joshi sirataja| nara sharira ke tumahim raja||

जय श्री शनिदेव रवि नन्दन। जय कृष्णो सौरी जगवन्दन॥

jaya shri shanideva ravi nandana| jaya krrishno sauri jagavandana||

पिंगल मन्द रौद्र यम नामा। वप्र आदि कोणस्थ ललामा॥

pimgala manda raudra yama nama| vapra adi konastha lalama||

वक्र दृष्टि पिप्पल तन साजा। क्षण महँ करत रंक क्षण राजा॥

vakra drrishti pippala tana saja| kshana maha.n karata ramka kshana raja||

ललत स्वर्ण पद करत निहाला। हरहु विपत्ति छाया के लाला॥

lalata svarna pada karata nihala| harahu vipatti chaya ke lala||

जय जय राहु गगन प्रविसइया। तुमही चन्द्र आदित्य ग्रसइया॥

jaya jaya rahu gagana pravisaiya| tumahi chandra aditya grasaiya||

रवि शशि अरि स्वर्भानु धारा। शिखी आदि बहु नाम तुम्हारा॥

ravi shashi ari svarbhanu dhara| shikhi adi bahu nama tumhara||

सैहिंकेय तुम निशाचर राजा। अर्धकाय जग राखहु लाजा॥

saihimkeya tuma nishachara raja| ardhakaya jaga rakhahu laja||

यदि ग्रह समय पाय कहिं आवहु। सदा शान्ति और सुख उपजावहु॥

yadi graha samaya paya kahim avahu| sada shanti aura sukha upajavahu||

जय श्री केतु कठिन दुखहारी। करहु सुजन हित मंगलकारी॥

jaya shri ketu kathina dukhahari| karahu sujana hita mamgalakari||

ध्वजयुत रुण्ड रूप विकराला। घोर रौद्रतन अघमन काला॥

dhvajayuta runda rupa vikarala| ghora raudratana aghamana kala||

शिखी तारिका ग्रह बलवान। महा प्रताप न तेज ठिकाना॥

shikhi tarika graha balavana| maha pratapa na teja thikana||

वाहन मीन महा शुभकारी। दीजै शान्ति दया उर धारी॥

vahana mina maha shubhakari| dijai shanti daya ura dhari||

तीरथराज प्रयाग सुपासा। बसै राम के सुन्दर दासा॥

tiratharaja prayaga supasa| basai rama ke sundara dasa||

ककरा ग्रामहिं पुरे-तिवारी। दुर्वासाश्रम जन दुख हारी॥

kakara gramahim pure-tivari| durvasashrama jana dukha hari||

नव-ग्रह शान्ति लिख्यो सुख हेतु। जन तन कष्ट उतारण सेतू॥

nava-graha shanti likhyo sukha hetu| jana tana kashta utarana setu||

जो नित पाठ करै चित लावै। सब सुख भोगि परम पद पावै॥

jo nita patha karai chita lavai| saba sukha bhogi parama pada pavai||

धन्य नवग्रह देव प्रभु, महिमा अगम अपार। चित नव मंगल मोद गृह, जगत जनन सुखद्वार॥

dhanya navagraha deva prabhu, mahima agama apara| chita nava mamgala moda grriha, jagata janana sukhadvara||

यह चालीसा नवोग्रह, विरचित सुन्दरदास। पढ़त प्रेम सुत बढ़त सुख, सर्वानन्द हुलास॥

yaha chalisa navograha, virachita sundaradasa| pa.dhata prema suta ba.dhata sukha, sarvananda hulasa||