Parashuram Chalisa

निज मन मन्दिर धारि। गहि आशिष त्रिपुरारि॥

nija mana mandira dhari| gahi ashisha tripurari||

जय प्रभु परशुराम सुख सागर। जय मुनीश गुण ज्ञान दिवाकर॥

jaya prabhu parashurama sukha sagara| jaya munisha guna j~nana divakara||

भृगुकुल मुकुट विकट रणधीरा। क्षत्रिय तेज मुख संत शरीरा॥

bhrrigukula mukuta vikata ranadhira| kshatriya teja mukha samta sharira||

जमदग्नी सुत रेणुका जाया। तेज प्रताप सकल जग छाया॥

jamadagni suta renuka jaya| teja pratapa sakala jaga chaya||

मास बैसाख सित पच्छ उदारा। तृतीया पुनर्वसु मनुहारा॥

masa baisakha sita pachcha udara| trritiya punarvasu manuhara||

प्रहर प्रथम निशा शीत न घामा। तिथि प्रदोष व्यापि सुखधामा॥

prahara prathama nisha shita na ghama| tithi pradosha vyapi sukhadhama||

तब ऋषि कुटीर रूदन शिशु कीन्हा। रेणुका कोखि जनम हरि लीन्हा॥

taba rrishi kutira rudana shishu kinha| renuka kokhi janama hari linha||

निज घर उच्च ग्रह छः ठाढ़े। मिथुन राशि राहु सुख गाढ़े॥

nija ghara uchcha graha chah tha.dhe| mithuna rashi rahu sukha ga.dhe||

तेज-ज्ञान मिल नर तनु धारा। जमदग्नी घर ब्रह्म अवतारा॥

teja-j~nana mila nara tanu dhara| jamadagni ghara brahma avatara||

धरा राम शिशु पावन नामा। नाम जपत जग लह विश्रामा॥

dhara rama shishu pavana nama| nama japata jaga laha vishrama||

भाल त्रिपुण्ड जटा सिर सुन्दर। कांधे मुंज जनेऊ मनहर॥

bhala tripunda jata sira sundara| kamdhe mumja janeu manahara||

मंजु मेखला कटि मृगछाला। रूद्र माला बर वक्ष विशाला॥

mamju mekhala kati mrrigachala| rudra mala bara vaksha vishala||

पीत बसन सुन्दर तनु सोहें। कंध तुणीर धनुष मन मोहें॥

pita basana sundara tanu sohem| kamdha tunira dhanusha mana mohem||

वेद-पुराण-श्रुति-स्मृति ज्ञाता। क्रोध रूप तुम जग विख्याता॥

veda-purana-shruti-smrriti j~nata| krodha rupa tuma jaga vikhyata||

दायें हाथ श्रीपरशु उठावा। वेद-संहिता बायें सुहावा॥

dayem hatha shriparashu uthava| veda-samhita bayem suhava||

विद्यावान गुण ज्ञान अपारा। शास्त्र-शस्त्र दोउ पर अधिकारा॥

vidyavana guna j~nana apara| shastra-shastra dou para adhikara||

भुवन चारिदस अरु नवखंडा। चहुं दिशि सुयश प्रताप प्रचंडा॥

bhuvana charidasa aru navakhamda| chahum dishi suyasha pratapa prachamda||

एक बार गणपति के संगा। जूझे भृगुकुल कमल पतंगा॥

eka bara ganapati ke samga| jujhe bhrrigukula kamala patamga||

दांत तोड़ रण कीन्ह विरामा। एक दंत गणपति भयो नामा॥

damta to.da rana kinha virama| eka damta ganapati bhayo nama||

कार्तवीर्य अर्जुन भूपाला। सहस्रबाहु दुर्जन विकराला॥

kartavirya arjuna bhupala| sahasrabahu durjana vikarala||

सुरगऊ लखि जमदग्नी पांहीं। रखिहहुं निज घर ठानि मन मांहीं॥

suragau lakhi jamadagni pamhim| rakhihahum nija ghara thani mana mamhim||

मिली न मांगि तब कीन्ह लड़ाई। भयो पराजित जगत हंसाई॥

mili na mamgi taba kinha la.dai| bhayo parajita jagata hamsai||

तन खल हृदय भई रिस गाढ़ी। रिपुता मुनि सौं अतिसय बाढ़ी॥

tana khala hrridaya bhai risa ga.dhi| riputa muni saum atisaya ba.dhi||

ऋषिवर रहे ध्यान लवलीना। तिन्ह पर शक्तिघात नृप कीन्हा॥

rrishivara rahe dhyana lavalina| tinha para shaktighata nrripa kinha||

लगत शक्ति जमदग्नी निपाता। मनहुं क्षत्रिकुल बाम विधाता॥

lagata shakti jamadagni nipata| manahum kshatrikula bama vidhata||

पितु-बध मातु-रूदन सुनि भारा। भा अति क्रोध मन शोक अपारा॥

pitu-badha matu-rudana suni bhara| bha ati krodha mana shoka apara||

कर गहि तीक्षण परशु कराला। दुष्ट हनन कीन्हेउ तत्काला॥

kara gahi tikshana parashu karala| dushta hanana kinheu tatkala||

क्षत्रिय रुधिर पितु तर्पण कीन्हा। पितु-बध प्रतिशोध सुत लीन्हा॥

kshatriya rudhira pitu tarpana kinha| pitu-badha pratishodha suta linha||

इक्कीस बार भू क्षत्रिय बिहीनी। छीन धरा बिप्रन्ह कहँ दीनी॥

ikkisa bara bhu kshatriya bihini| china dhara bipranha kaha.n dini||

जुग त्रेता कर चरित सुहाई। शिव-धनु भंग कीन्ह रघुराई॥

juga treta kara charita suhai| shiva-dhanu bhamga kinha raghurai||

गुरु धनु भंजक रिपु करि जाना। तब समूल नाश ताहि ठाना॥

guru dhanu bhamjaka ripu kari jana| taba samula nasha tahi thana||

कर जोरि तब राम रघुराई। बिनय कीन्ही पुनि शक्ति दिखाई॥

kara jori taba rama raghurai| binaya kinhi puni shakti dikhai||

भीष्म द्रोण कर्ण बलवन्ता। भये शिष्या द्वापर महँ अनन्ता॥

bhishma drona karna balavanta| bhaye shishya dvapara maha.n ananta||

शास्त्र विद्या देह सुयश कमावा। गुरु प्रताप दिगन्त फिरावा॥

shastra vidya deha suyasha kamava| guru pratapa diganta phirava||

चारों युग तव महिमा गाई। सुर मुनि मनुज दनुज समुदाई॥

charom yuga tava mahima gai| sura muni manuja danuja samudai||

दे कश्यप सों संपदा भाई। तप कीन्हा महेन्द्र गिरि जाई॥

de kashyapa som sampada bhai| tapa kinha mahendra giri jai||

अब लौं लीन समाधि नाथा। सकल लोक नावइ नित माथा॥

aba laum lina samadhi natha| sakala loka navai nita matha||

चारों वर्ण एक सम जाना। समदर्शी प्रभु तुम भगवाना॥

charom varna eka sama jana| samadarshi prabhu tuma bhagavana||

ललहिं चारि फल शरण तुम्हारी। देव दनुज नर भूप भिखारी॥

lalahim chari phala sharana tumhari| deva danuja nara bhupa bhikhari||

जो यह पढ़ै श्री परशु चालीसा। तिन्ह अनुकूल सदा गौरीसा॥

jo yaha paढ़ai shri parashu chalisa| tinha anukula sada gaurisa||

पृर्णेन्दु निसि बासर स्वामी। बसहु हृदय प्रभु अन्तरयामी॥

prrirnendu nisi basara svami| basahu hrridaya prabhu antarayami||

मेटत सकल अज्ञान। सदा सुयश सम्मान॥

metata sakala aj~nana| sada suyasha sammana||

सहस्रबाहुर्मर्दनम्। परशुंवन्दे विप्रधनम्॥

sahasrabahurmardanam| parashumvande vipradhanam||