Bal Krishna Chalisa

जय जय पूरण ब्रह्म बिहारी, दुष्ट दलन लीला अवतारी ।

jaya jaya purana brahma bihari, dushta dalana lila avatari |

जो कोई तुम्हरी लीला गावै, बिन श्रम सकल पदारथ पावै ।।

jo koi tumhari lila gavai, bina shrama sakala padaratha pavai ||

श्री वसुदेव देवकी माता, प्रकट भये संग हलधर भ्राता ।

shri vasudeva devaki mata, prakata bhaye samga haladhara bhrata |

मथुरा सो प्रभु गोकुल आये, नन्द भवन में बजत बधाये ।।

mathura so prabhu gokula aye, nanda bhavana mem bajata badhaye ||

जो विष देन पूतना आई, सो मुक्ति दै धाम पठाई ।

jo visha dena putana ai, so mukti dai dhama pathai |

तूणावर्त राक्षस संहारयौ, पग बढ़ाय सकटासुर मारयौ ।।

tunavarta rakshasa samharayau, paga ba.dhaya sakatasura marayau ||

खेल खेल में माटी खाई, मुख में सब जग दियो दिखाई ।।

khela khela mem mati khai, mukha mem saba jaga diyo dikhai ||

गोपिन घर घर माखन खायो, जसुमति बाल केलि सुख पायो ।।

gopina ghara ghara makhana khayo, jasumati bala keli sukha payo ||

ऊखल सों निज अंग बधाई, यमलार्जुन जड़ योनि छुड़ाई ।

ukhala som nija amga badhai, yamalarjuna ja.da yoni chu.dai |

बका असुर की चोंच विदारी, विकट अघासुर दियो सँहारी ।।

baka asura ki chomcha vidari, vikata aghasura diyo sa.nhari ||

ब्रह्मा बालक वत्स चुराये, मोहन को मोहन हित आये ।

brahma balaka vatsa churaye, mohana ko mohana hita aye |

बाल वत्स सब बने मुरारी, ब्रह्मा विनय करी तब भारी ।।

bala vatsa saba bane murari, brahma vinaya kari taba bhari ||

काली नाग नाथि भगवाना, दावानल को कीन्हों पाना ।

kali naga nathi bhagavana, davanala ko kinhom pana |

सखन संग खेलत सुख पायो, श्रीदामा निज कन्ध चढ़ायो ।।

sakhana samga khelata sukha payo, shridama nija kandha cha.dhayo ||

चीर हरन करि सीख सिखाई, नख पर गिरवर लियो उठाई।

chira harana kari sikha sikhai, nakha para giravara liyo uthai|

दरश यज्ञ पलिन को दीन्हों, राधा प्रेम सुधा सुख लीन्हों ।।

darasha yaj~na palina ko dinhom, radha prema sudha sukha linhom ||

नन्दहिं वरूण लोक सों लाये, ग्वालन को निज लोक दिखाये ।

nandahim varuna loka som laye, gvalana ko nija loka dikhaye |

शरद चन्द्र लखि वेणु बजाई, अति सुख दीन्हों रास रचाई।

sharada chandra lakhi venu bajai, ati sukha dinhom rasa rachai|

अजगर सों पितु चरण छुड़ायो, शंखचूड़ को मूड़ गिरायो ।।

ajagara som pitu charana chu.dayo, shamkhachu.da ko mu.da girayo ||

हने अरिष्टा सुर अरू केशी, व्योमासुर मार्यो छल वेषी।

hane arishta sura aru keshi, vyomasura maryo chala veshi|

व्याकुल ब्रज तजि मथुरा आये, मारि कंस यदुवंश बसाये ।।

vyakula braja taji mathura aye, mari kamsa yaduvamsha basaye ||

मात पिता की बन्दि छुड़ाई, सान्दीपनि गृह विद्या पाई।

mata pita ki bandi chu.dai, sandipani grriha vidya pai|

पुनि पठयौ ब्रज ऊधौ ज्ञानी, प्रेम देखि सुधि सकल भुलानी।।

puni pathayau braja udhau j~nani, prema dekhi sudhi sakala bhulani||

कीन्हीं कुबरी सुन्दर नारी, हरि लाये रुक्मिणि सुकुमारी ।

kinhim kubari sundara nari, hari laye rukmini sukumari |

भौमासुर हनि भक्त छुड़ाये, सुरन जीति सुरतरू महि लाये ।।

bhaumasura hani bhakta chu.daye, surana jiti surataru mahi laye ||

दन्तवक्र शिशुपाल संहारे, खग मृग नृग अरू बधिक उधारे।

dantavakra shishupala samhare, khaga mrriga nrriga aru badhika udhare|

दीन सुदामा धनपति कीन्हों, पारथ रथ सारथि यश लीन्हों ।।

dina sudama dhanapati kinhom, paratha ratha sarathi yasha linhom ||

गीता ज्ञान सिखावन हारे, अर्जुन मोह मिटावन हारे।

gita j~nana sikhavana hare, arjuna moha mitavana hare|

केला भक्त बिदुर घर पायो, युद्ध महाभारत रचवायो ।।

kela bhakta bidura ghara payo, yuddha mahabharata rachavayo ||

द्रुपद सुता को चीर बढ़ायो, गर्भ परीक्षित जरत बचायो ।

drupada suta ko chira ba.dhayo, garbha parikshita jarata bachayo |

कच्छ मच्छ वाराह अहीशा, बावन कल्की बुद्धि मुनीशा ।।

kachcha machcha varaha ahisha, bavana kalki buddhi munisha ||

है नरसिंह प्रहलाद उबाय, राम रूप धरि रावण मार्यो ।

hai narasimha prahalada ubaya, rama rupa dhari ravana maryo |

जय मधु कैटभ दैत्य हनैय्या, अम्बरीष प्रिय चक्र धरैय्या ।।

jaya madhu kaitabha daitya hanaiyya, ambarisha priya chakra dharaiyya ||

ब्याध अजामिल दीन्हें तारी, शबरी अरू गणिका सी नारी ।

byadha ajamila dinhem tari, shabari aru ganika si nari |

गरुड़ासन गज फन्द निकन्दन, देहु दरश ध्रुव नयनानन्दन ।।

garu.dasana gaja phanda nikandana, dehu darasha dhruva nayananandana ||

देहु शुद्ध सन्तन कर सङ्गा, बाढ़ प्रेम भक्ति रस रङ्गा ।

dehu shuddha santana kara sa~nga, baढ़ prema bhakti rasa ra~nga |

देहु दिव्य वृन्दावन बासा, छूटै मृग तृष्णा जग आशा ।।

dehu divya vrrindavana basa, chutai mrriga trrishna jaga asha ||

तुम्हरो ध्यान धरत शिव नारद, शुक सनकादिक ब्रह्मा विशारद ।

tumharo dhyana dharata shiva narada, shuka sanakadika brahma visharada |

जय जय राधारमण कृपाला, हरण सकल संकट भ्रम जाला ।।

jaya jaya radharamana krripala, harana sakala samkata bhrama jala ||

बिनसैं बिघन रोग दुःख भारी, जो सुमरैं जगपति गिरधारी ।

binasaim bighana roga duhkha bhari, jo sumaraim jagapati giradhari |

गोपाल चालीसा पढ़े नित, नेम सों चित्त लावई ।

gopala chalisa pa.dhe nita, nema som chitta lavai |

सो दिव्य तन धरि अन्त महँ, गोलोक धाम सिधावई ।।

so divya tana dhari anta maha.n, goloka dhama sidhavai ||